Bústaðurinn (6-8 manna) er 50 fm. sumarhús með gistirými fyrir sex manns í uppábúnum rúmum.Tvö herbergi eru með tvíbreiðu rúmi og einbreiðri koju fyrir ofan, einnig lítill skápur og náttborð.Í stofu er leður sófasett, sjónvarp, video og útvarp. Svefnloft sem rúmar allt að sex manns á dýnum. Í húsunum er allt það nauðsynlegasta í eldhúsi: hellur, ísskápur, örbylgjuofn, kaffikanna, ýmiss smá rafmagnstæki, borðbúnaður og flest öll önnur áhöld sem til þarf. Við húsin er stór verönd sem er yfirbyggð að hluta. Þar er að finna gasgrill, garðhúsgögn og að sjálfsögðu heitan pott.
Þrif eru ekki innifalin í verði og ætlast er til að bústað sé skilað hreinum. Áhöld og efni til þrifa eru á staðnum.
Sængur, koddar, sængurver og handklæði eru á staðnum fyrir gesti.