Hótelið býður upp á tvö stór og rúmgóð fjölskylduherbergi en þar eru 3 einstaklingsrúm ásamt góðum svefnsófa. Svefnsófinn rúmar að hámarki tvö börn undir 10 ára aldri eða einn fullorðinn. Bæði herbergin eru útbúin notalegu baðherbergi með „walk-in“ sturtu. Hægt er að fá barnarúm (0-2 ára) í öll herbergi án endurgjalds.
Á hótelinu má einnig finna tvö herbergi sem eru samliggjandi og henta vel fyrir fjölskyldur á ferð saman. Annað herbergið er með þremur einstaklingsrúmum og hitt með tveimur. Bæði herbergin eru með aðgengi að verönd.